Hreinn Sigurðsson

30.9.2010 | 15:50

Misskilningur hjá Herði.

Aðsókn á tónleika Harðar hefur dregist saman af því að fólk telur að eina markmið Harðar hafi verið að koma vg í ríkisstjórn.Ástandið versnar og versnar liðsmenn vg berjast ötullega gegn nýsköpun í atvinnumálum og telja að besta leiðin út úr kreppuni sé að skattpína almenning. Fólkið sem stóð að búsáhaldabyltingunni svokölluðu sofnaði svo værum svefni (sem sér ekki fyrir endann á) þegar Horvæna Helferðarstjórnin var stofnuð.

Ein af kröfum sem heyrðust oft og hátt var að nýtt fólk kæmi að stjórn landsins, Niðurstaðan úr því var að afdankaðir pólitíkusar eins og Jóhanna Sigurðardóttir, Össur Skarphéðinsson og Steingrímur Jóhann Sigfússon fengu valdamestu embætti stjórnarinnar.

Mikið var rætt um mikilvægi þess að taka upp persónukjör lítið hefur heyrst um það síðan vg og samfylking komust að kjötkötlunum.

Skjaldborgin um heimilin sem fólk í landinu trúði að væri um heimili almennings, reyndist aðeins vera um örfá heimili flokksgæðinga.

Einnig var hávær krafa um að slíta samstarfi við alþjóða gjaldeyrissjóðinn en Steingrímur umpólaðist í því þegar hann settist í stól fjármálaráðherra.

Nokkur gullkorn tekin af síðu radda fólksins

"útrásarvíkingarnir leika lausum hala" þetta hefur lítið breyst eða hvað.

"Íslendingar verða að vekja þingheim af Þyrnirósarsvefni. Nauðsynlegt er að lýðræðiskjörnir fulltrúar fólksins hætti að hunsa kröfur mikils meirihluta þjóðarinnar" Enn reynir Steingrímur að fá að borga icesave.

"Íslendingar búa við stjórnarkreppu í miðju ölduróti ofurskulda og ráðakeysi íslenskra stjórnvalda er löngu farið að vekja athygli og undrun umheimsins." Það eina sem hefur breyst í þessu er að ráðaleysið er mest hjá vg.

"Við þurfum eldhuga sem þora, skilja og vilja vinna þjóðinni allt það gagn sem verða má, í stað freðinna fortíðarþursa sem stórskaða þjóðina."

"Sama gerspillta kerfið þar sem auðmenn, ráðamenn og fjölmiðlafólk sukkabak við tjöldin eða jafnvel fyrir opnum tjöldum og leika fjárhættuspil með almannafé um leið og þauhalda okkur í þeirri blekkingu að allt sé þetta í okkar þágu" Dæmi hver fyrir sig hvað hefur breyst í þessu.

"Þetta eru hinir skemmtilegu og spennandi tímar fyrir Sjálfstæðisflokkinn, að færa brunarústir efnahagshamfaranna aftur til auðkýfinganna" Nú er þessi tilfærsla í boði vg og samfylkingar.